هي قصه بسيطة لكنها (( طريفه )) وهي ان عايد بن سعدي الذرفي الشاعر المعروف قعد يطالب يبي ارض زراعيه وطلعت عقب مغثة ثلاث سنين
ولكنه فاته موسم القمح وصار يبذر خضره ويقعد يراعي له دايم بس ويشوف ورق الخضره مقصوص وهي مادخلها احد يوم قعد يفتش وهو يلقى نثيلة ( ضب ) وعرف انه هو السبب فقال قصيدة يخاطبه
ياضب وش علمك على خضرة الجار ابا اشتكـي كانـك تسمـع لشكـوآي وباخذ عليـك اقرار وانـذار واحـذار ادهم درك نفسك ترى قمت بـوذآي عبثت بالخضـره كما يعبـث الفـار واثريك ماتذخر على قطـع عقـلآي ياهولتـي تقـول يقصـه بمنشـار سمحتله واليوم حـدن علـى اقصـآي جح وطماطـم ثـم بطيـخ وخيـار زرعتهـن زرع المهنـدس بيمنـآي عقب ثمان سنين برهـاق واخبـار وهم ومشاكل وانقل الـداي بـردآي كل نصحني مير ماطعـت الاشـوار مدهـور علـى عمايـه وعمـيـآي
كان اخو الشاعر واقف وراه ويسمع قصيدته وهو شاعر مثله قال لاخوه انت ماسمعت الضب وش رد عليك قال لا قال اخوه اسمع وش يقول الضب
ياجار لاتغلـط وانـا صاحـب الـدار ولا تظلمن هـذا مصيـفـي ومشـتـآي واليوم جاورتن تبي تفـرض علي احصـار مير لاعاش من جابك على راس مفلآي بليتني وانا بليتـك بالـلـي صــار لاشك ساعدنـي علـى كبـر بلـوآي ترى جيرت الطيب مثـل در الابكـار وترى جيرت الخايب مثل مروح الدآي
عايد الذرفي قال لاخوه ماتعرضه لاصار هذا رده
سمع صديق عايد بالقصه وقال ايه عااايد خبل بيخلي الضب يلعب في مزرعته ويتعذ ربه انه جااار فركب سيارته لين جاه وقال ابي اشوف المزرعه يابو فلان قال يالله وراحو للمزرعه قاله رح سو القهوة وانا بتمشا شوي بالمزرعه وبلحقك
وقت راح من عنده لقى الحفره رجع بالسياره وقرب منه ومسك الــلـي وحطه في حفرة الضب وفك المويه لين طلع الضب ومسكه وكان معه شلفا حاطها بينه وبين البشت وطلع الشلفا قال اسمع ياضب وقصد قصيده على نفس قافيه عايد
ياضب ماسمح لاتعذّر بالاعذار
شر يعليـك وقاطعـن عنـك حسـنـآيمادمت لجارك يا اسود الوجـه غـدارحلت ذكاتك والوعـد يـوم لقيـآيهو حل واحد واسمع الراي واختـارهـو غـول ولا شنق والا بشلفـاي
تعليقات: 0
إرسال تعليق