أبيات من قصائد السقايين سحلي بن سقيان

السقايين من شيوخ مطير مشهورين بالفروسية و من مشاهير أمراء البادية (سحلي بن سقيان) و له عدة قصايد وقال هذه الأبيات مرثية بأخيه سحيل

أخوي وداه الدويش العمارات =  يوم المناخ اقفوا ولا عودوا به
اخوي ليته حي يذكر ولا مات =  ليت الطروش اللي لفوا بشروا به
اخوي من كسبه عشاير وخلفات =  يقضي بها يوم المصاريف  نوبه
اخوي نجره يسهر الليل ما بات =  قدام ربع سيروا وحضبوا به
فكاك ربعه في نهار الملاقاة =  وجلوبة اللي ماحصل له جلوبه
الى ذكرته هلت العينعبرات =  وفقده على قلبي غدا لي  عقوبه

وأيضا له عند ما بان في أخيه الشيب لأنه خادم له ، و دايم يمشي في طوعه ، و ركن له على الأعداء لما فيه من الشجاعة و يتمنى أن له أولاداً مثله بالفعل فقال

يا ليت اخوي سحيل ما قدر غدا عود = والا العمر يشرا وابا سوق مالي
اخوي لا ركب الفرس يقحم العود = والى خذ (البندق) يفك التوالي
ليته يعقب لي عيال بهم فود = فيهم على جمع المعادي مدالي
من منسب (العضيان) هم منقع الجود = والا (دماسين) خوال( لعالي)

العضيان و الدماسين معروفين من الروقة من عتيبة و يمتدح مناسبهم و (عالي) هم أخواله و ظهر شجاعا و هو ابن عمه