ملحمة السبيع في قصيدة فالح ابن حثلان السبيعي مفتخراً بقبيلته
ذكر فيها خصال عدة من مفاخر قبيلة ( سبيع ) القبيلة المعروفة ، واستشهد في وقائع ثابتة وموثوقة ، ليست بالغريبة على هذه القبيلة العريقة التي إضافة إلى ما ذكر ( ابن حثلان ) فقد انجبت الكثيرين من الفرسان الأفذاذ وذوي الشجاعة والكرم
لا عدت فعول القبايل والأفخار = لنا من الناموس مثنى ومربوع فعولٍ عسيراتٍ على كل مختار = نهوم للعليا بشيمات وطبوع قومٍ لجوا بفهيد عفناهم جهار = شيمة عرب ورجال والكذب مرفوع غدوا على قبره كنا وصف خطار = قلنا ترى ما عند هالقبر ممنوع بني عمر بالله لهم حظ وأذكار = شر على اللي يلبس الجوخ ودروع ورشدان منا طيب الرأس وخيار = لا يا بعد منهو هذور وبالوع عبدٍ لعمه لين حول السنة دار = ما نكله طرد المعاشير وفزوع كم مشعلٍ في ساقته جاله أنوار = يفجا لغرتهم إذا جاهم هجوع ومنا السميحي حط له قيل وأذكار = جايب خويه من خطر مظلم القوع ذبح ذلوله خايفٍ يلحقه عار = وجلده سريح وحط شحمه له شموع ومنا الصبي ذباح لاخوه بالغار = من دون وجهه عقّب اللوم مجدوع وسلطان جارالله متونه من النار = شايل خويه لين سرّب على الكوع ومنا علي .. مدي من الهجن مشكار = في ملحةٍ ماهي تهجي عن الجوع حنا عل الملحة . وحنا هل الكار = من مثلنا يدي بها رجل جربوع ؟ وفنجال بنٍ شاربه واحدٍ ثار = فنجال باسبابه حصل ذبح وفزوع وشربه من الما .. أدى بها حيل وأبكار = مثال ربعٍ يا بعد كل منزوع حطوا بها ملحٍ ولا مثلها صار = والمي من كل المشاويه ممنوع بني عمر . يدون باكبار وصغار = وجيههم ما تعطي البطن منفوع صغيرهم لو وخذ معهم وهو جار = يعطي أعراف الجار ماهوب ممنوع أيضاً وحرمتهم لها سلم قد صار = تعني من الاجناب سلفان ونجوع
تعليقات: 0
إرسال تعليق